चैत्र ८
Menu
काठमाडौं, बुधवार नेपाली शेयर बजारमा पुन बृद्दि देखिएको छ । यस दिन नेप्से परिसूचक ४ दशमलव ८९ अंक बढेर २ हजार ५० दशमलव ५९ विन्दुमा पुगेको छ । यो संगै नेप्से परिसूचक लगातार आठौं दिन पनि बढेको हो । बुधबार कारोबारमा आएका २१५ कम्पनीका ४१ लाख ३३ हजार ७०९ कित्ता शेयर १ अर्ब ७३ करोड १८ लाख ३२ हजार भन्दा बढि खरीदविक्री भएको छ ।यस दिन नेप्से परिसूचक बढेता पनि कारोबार रकम भने घटेको छ ।
साताको तेश्रो दिन २ अर्ब २९ करोड बराबरको शेयर खरीदविक्री भएको थियो ।
बुधवार कारोबार भएका २१५ कम्पनीका शेयरमध्ये सबैभन्दा बढी मल्टीपर्पस फाइनान्स कम्पनीको शेयर मूल्य ५ दशमलव ६९ प्रतिशतले वृद्धि भएको छ ।
त्यसैगरी सर्वाधिक शेयर खरीदविक्री शिवम् सिमेन्टको भएको छ । यस कम्पनीको १६ करोड ४२ लाख बराबरको शेयर खरीदविक्री भएको छ । उक्त कम्पनीको शेयर मूल्य अघिल्लो कारोबार दिनको तुलनामा ३ दशमलव ८७ प्रतिशत वृद्धि भएको छ । त्यसैगरि सर्वाधिक शेयर खरीदविक्री हुने दोस्रोमा हिमालयन डिष्टीलरी छ । यस कम्पनीको ७ करोड ३१ लाख बराबरको शेयर किनबेच भएको हो ।
बुधबार कारोबारमा आएका १३ समूहगत परिसूचकमध्ये ८ समूहको समूहगत परिसूचक बढेको छ भने बाँकी समूहको परिसूचक घटेको छ ।
