चैत्र ८
Menu
काठमाडौँ, भुसाल सम्पर्क समाज काठमाडौँ नेपालको शनिबार सम्पन्न अधिवेशन सम्पन्न भएको छ । यस अधिवेशनबाट समाजको नयाँ अध्यक्षमा युवराज भुसाल निर्वाचित हुनु भएको छ । समाज दशौँ वार्षिक साधारण सभामार्फत उनी अध्यक्ष पदमा निर्वाचित भएका हुन् ।
समाजजमा जम्मा १३ सदस्य रहेको छ । नयाँ समितिको उपाध्यक्षमा माधवप्रसाद भुसाल निर्वाचित हुनुभएको छ भने, महासचिवमा ईश्वरीप्रसाद भुसाल र सचिवमा प्रवीन भुसाल निर्वाचित हुनु भएको छ ।
यसैगरी, समितिको कोषाध्यक्ष कमला भुसाल बराल चुनिनु भएको छ । त्यस्तै समितिका सदस्यहरुमा क्रमशः मोतीलाल भुसाल, कृष्णप्रसाद भुसाल, मुकुन्दप्रसाद भुसाल, पूर्णचन्द्र, विष्णु प्रसाद भुसाल, मदन केसी भुसाल, कमला भुसाल भण्डारी र हिरामणी भुसाल निर्वाचित हुनुभएको छ ।
यो समाज मुलुकभर विभिन्न स्थानमा छरिएर रहेका भुसाल बन्धुहरुको एकताका लागि गठन भएको हो । समाजले भुसालको तर्फबाट विभिन्न स्थानमा प्रतिनिधित्व गरेका बन्धुहरुलाई प्रोत्साहन तथा सम्मान गर्दै आएको छ ।
समाजको वार्षिक साधारणसभामा अर्घाखाँची घर भएका वकिल विष्णुप्रसाद भुसाललाई सगरमाथाको सफल आरोहण गरेकोमा सम्मान गरिएको छ ।केही समयअघि मात्र सर्बोच्च शिखर सगरमाथाको सफल आरोहण गर्न सफल वकिल भुसाल र उनकी छोरी डा. प्रिति भुसाललाई समाजको तर्फबाट सम्मान गर्ने कार्यक्रम तय गरिएको भएपनि कार्यव्यस्तताले छोरी प्रिति सम्मान कार्यक्रममा उपस्थित भइनन् । मुलुकभर छरिएर रहेका भुसाल बन्धुहरुको तर्फबाट यो नै पहिलो सगरमाथा आरोहण समेत भएको भुसाल समाजले जनाए को छ ।
