गृह

ताजा समाचार

ट्रेन्डिङ

खोज

स्वर्गीय हजुरबुवाकाे स्मृतिमा चौतारी बनाउँदै, परम्परा नासिने चिन्ता

श्रावण ३१, अग्लुङ्ग, गुल्मी, चौतारी (चौपारी) सामान्यतया नेपालको ग्रामीण पैदल मार्गमा पाइने विश्राम (विसौनी) हो। ढुङ्गाहरुलाई कुँदेर मानिस बस्न वा भारी विसाउनको लागि उपयूक्त ठाँउ बनाइन्छ । चौतारीका ठूला ठूला रुख मुनि ग्रामीण पदमार्गको छेउमा बनाइएका मञ्चमा यात्रुले कठिन उकालो चढेर आराम गर्न सक्छन् ।

चौतारीले परम्परागत सार्वजनिक स्थानको रूपमा पनि काम गर्दछ जहाँ मानिसहरू भेट्न र विभिन्न मुद्दाहरूमा कुराकानी गर्न सक्छन्, यसलाई सामाजिक पक्षबाट महत्त्वपूर्ण मानिन्छ । चौतारीमा वर,पिपल र स्वामीका रुखहरु छाँया प्रदान गर्न रोपिन्छ । यसको हिन्दु धर्म अनुसार आफ्नै धार्मिक महत्त्व पनि रहेको धर्मशास्त्रमा पाइन्छ । चौतारीको प्राथमिक उद्देश्य पदयात्रामा हिड्ने यात्रुहरूला्ई छोटो विश्राम (विसौनी) प्रदान गर्नु हो। यद्यपि, गाउँमा, तिनीहरूले कहिलेकाहिँ सामाजिक जमघटको लागि ठाउँ पनि प्रदान गर्दछन् ।

सडक निर्माणसँगै ‘चौतारी’ भनेर चिनिने परम्परागत आराम गर्ने मञ्च आजकाल भत्कन थालेको छ । तर आजकल एक गाउँलाई अर्को गाउँ जोड्ने बढ्दो संख्यामा मोटरेबल सडक निर्माण गर्न चौतारीहरू भत्काइएको छ । मोटरेबल सडक बनेपछि ग्रामीण भेगमा थोरै मानिस मात्रै हिँड्ने भएकाले अझै उभिएका चौतारीहरू पनि उपेक्षित अवस्थामा छन् ।

तर यस्ता विकासबाट सन्तुष्ट नभएकाले चौतारी जोगाउन युवाहरुलाई आह्वान गर्दै मदाने गाउँपालिका-१ गुल्मी, अग्लुङ्ग निवासी मेरो हजुरबुवा गुल्मी जिल्लाका पूर्व सभापति, रा.पं.स. (सांसद) तथा गुल्मी जिल्लाकै प्रमुख विकासप्रेमी नेता स्वर्गीय श्री वैकुण्ठ बहादुर चन्दको स्मृतिमा चौतारी बनाइ वर,पिपल र स्वामीका विरुवा रापेको तर यसको धार्मिक पूजा अर्चना गर्न बाँकी नै रहेको छ । ‘अग्लुङ्ग लगायत गुल्मीका कैयौं चौतारीहरु यस्तै कारणले ध्वस्त वा बेवास्ताको अवस्थामा रहेका छन् । चौतारीको राज्य, हाम्रा पुर्खाले दिएको सम्पदा सडक विस्तार र विकासको नाममा ध्वस्त र उपेक्षित हुँदै गएको छ, विकाससँगै अगाडि बढ्दै आफ्नो परम्परालाई जोगाउनुपर्छ । अग्लुङ्गकी स्थानीय यूवा मञ्जु मल्ल शाहीले भन्नु भयो ।’

आफ्नो प्रतिक्रिया साझा गर्नुहोस्

कमेन्ट गर्नुहोस

Subscribe
Notify of
guest
0 Comments
Inline Feedbacks
View all comments

सम्बन्धित खबरहरु

अरु समाचारहरु

पात्रो

ताजा अपडेट

लग इन